საქართველოს მეხუთე პრეზიდენტი სალომე ზურაბიშვილი "ნაციონალური მოძრაობის" ერთ-ერთი ლიდერის, გიორგი ბარამიძის დაკავებას ეხმიანება. მისი თქმით, წარმოუდგენელია ადამიანის მიმართ სისხლის სამართლებრივი დევნის დაწყება ისტორიულ წარსულზე გაკეთებული განცხადების გამო.
ზურაბიშვილის განცხადებით, მოღალატეები არიან ფარცხალაძეები და ყველანი ისინი, ვინც უჩოქებენ სიმონიანს" - ამბობს სალომე ზურაბიშვილი.
"წარმოუდგენელია ასეთი რამე. ჰყავთ ამათ ოფიციალური მოღალატე - ფარცხალაძე, რომელიც იყო მათი გენერალური პროკურორი. ეს გაარკვიონ, როგორ იყო გენპროკურორი. როდესაც ამერიკელები ამბობდნენ, ეს "კგბ"-ს აგენტი ყოფილაო და როგორ ამტკიცებდნენ ესენი - ყველამ დაიწყო ყვირილი, ეროვნული ბანკიდან დაწყებული, რომ როგორო, ჩვენ უნდა ვნახოთ ეს მტკციებულებები და ჩვენ უნდა შევაფასოთო.
და ამ შემთხვევაში, რაღაცა ნათქვამზე, ისტორიულ საკითხზე, რომელიც არაფერთან არ არის კავშირში, მოღალატეობა არა ის. მოღალატეები არიან ფარცხალაძეები და ყველა ისინი, ვინც უჩოქებენ სიმონიანს", - აცხადებს სალომე ზურაბიშვილი.
