თორნიკე რაზმაძის ინფორმაციით, შსს-ში შექმნილმა სიძულვილის წინააღმდეგ ბრძოლის სამმართველომ, მარგარიტა სიმონიანისა და ვლადიმირ სოლოვიოვის სიტყვიერი შეურაცხოფის ფაქტზე, მის მიმართ ადმინისტრაციული წარმოება დაიწყო.
თორნიკე რაზმაძე განმარტავს, რომ აგვისტოში, სოციალურ ქსელში გამოაქვეყნა ვიდეო, სადაც რუსი პროპაგანდისტები მარგარიტა სიმონიანი და ვლადიმორ სოლოვიოვი ეთერში ამბობდნენ, რომ "როგორც ერეკლე მეორე მოვიდაო მუხლებზე ფორთხვით და შეგვეხვეწა საკუთარი მფარველობის ქვეშ მიგვეღოო, ისე მოვლენ სხვა ქართველებიცო".
სამოქალაქო აქტივისტის კომენტარი იყო: "ნაკალენია" თქვენი დედაც" - რაზეც შსს-მ საქმის წარმოება დაიწყო.
პროცესი 29 სექტემბერს ჩაინიშნა.
"საქმე ეხება აგვისტოში გამოქვეყნებულ ვიდეოს, რომელშიც ვაჩვენებ რუსი პროპაგანდისტები: მარგარიტა სიმონიანი და ვლადიმერ სალავიოვი როგორ ღლიცინებენ ერთ-ერთ თავიანთ ეთერში და როგორ საუბრობენ იმაზე, რომ როგორც ერეკლე მეორე მოვიდაო მუხლებზე ფორთხვითო და შეგვეხვეწა საკუთარი მფარველობის ქვეშ მიგვეღოო, ისე მოვლენ სხვა ქართველებიც მომავალშიც და ყოველთვისო და მუხლებზე დამდგარი შეგვეხვეწებიან, რომ ისევ მფარველობა გავუწიოთო.
ამაზე ჩემი კომენტარი იყო "ნაკალენია" თქვენი დედაც-მეთქი". საერთოდ არ ვნანობ ამას, ამ კონკრეტულ ფაქტს იმიტომ, რომ ეს იყო მთელი ქვეყნის შეურაცხყოფა და ამის გამო შსს-მ აღმიძრა საქმე და ახლა უნდა გაარკვიონ სასამართლო პროცესზე, 29 სექტემბერს მე დასაჯარიმებელი ვარ, დასაჭერი თუ რა ხდება თურმე და ეს იმ პირობებში, როდესაც ერეკლე მეფის დასაცავად მთელი პროპაგანდისტული კამპანია ჰქონდათ ჩართული, რომ ერეკლე მეფეს ებრძვიან და ჩვენ ვიცავთო და ამაზე დიდი შეურაცხყოფა, ერთ-ერთი ყველაზე დიდი მეფის საქართველოს ისტორიაში, მე საერთოდ არ მახსენდება," - ამბობს თორნიკე რაზმაძე.
