ხშირად ვამბობთ, შევრიგდეთ, გავერთიანდეთ და შეხედეთ - ერთი მხრიდან არის "რუსები", "რუსები" - "რუსებს" ეძახიან ვიღაცებს, მეორე მხარე იძახის, "აგენტები", "აგენტები", "აგენტები", რეალურად, ამით შევრიგდებით? - მის შესახებ ბოდბელმა ეპისკოპოსმა იაკობმა მარიამობის დღესასწაულთან დაკავშირებულ წირვაზე, ქადაგებისას განაცხადა.
"დიდი ხანი გაყუჩებული ვარ, არაფერს არ ვამბობ, იმიტომ, რომ ვფიქრობ, რომ ჩემი იმით სახელმწფიფო ან რამე არ დავაზიანო.
ხშირად ვამბობთ,, რომ შევრიგდეთ, გავერთიანდეთ და შეხედეთ რა. ერთი მხრიდან არის, რომ "რუსები", 'რუსები" ეძახიან ვიღაცებს, მეორე მხარე იძახის- "აგენტები", "აგენტები", "აგენტები" და რეალურად ამით შევრიგდებით? ვის საქმეს ვაკეთებთ? თუ იმის შნო არ გქონდა, რომ ნებისმიერთან დაილაპარაკე, ეს იქნება შენი ოკუპანტი, თუ არაოკუპანტი, ნებისმიერთან უნდა შეგეძლოს დალაპარაკება, რომ შენი ინტერესი გაატარო. თუ ყველას ვერ დაელაპარაკე, მსოფლიო დიდია და შეგვჭამენ.
ეკლესიას შეხედეთ, როგორი ეკლესია ვართ. ჩვენ ევროპარლამენტის რეზოლუციები რატომ არ მოგვწონს, იმიტომ, რომ საქართველოზე აც არის, ლამის ერთხმად იღებენ ყველაფერზე. უწმინდესმა ისე დაგვტოვა, იცოდეთ, რომ ვართ ძალიან ძლიერად. ყოველთვის დაგიცავთ.
ჩვენზე ბევრი რამ არის დამოკიდებული. დღეს ჩვენს ქვეყანას თუ არ ჭამენ, ეკლესიის დიდი დამსახურებაა. ითვალისწინებენ ჩვენს აზრს და კი მძიმედ გვაწვებიან, მაგრამ ღვთის შეწევნით ხდება, რომ დღეს კიდე გადარჩენილები ვართ, სრული სიმშვიდე რომ გვქონდეს, ერთიანობისკენ უნდა წავიდეთ, თუ არა რისი ქრისტიანი ხარ? ეკლესია როცა ამბობს, რომ შევრიგდეთ, ვისაც არ უნდა გაერთიანება და შერიგება თქვან.... ზოგი ისეთია, თუ ვერ შეიგნო, რომ დამნაშავეა და შენდობა არ ითხოვა, უბრალოდ ჩვენ ქრისტიანები იმას ვიზამთ, რომ არ შევეხებით რა" , - თქვა მეუფე იაკობმა.
