როგორც ჩანს, პუტინის აგენტებმა აშშ-ის ცენტრალური სადაზვერვო სააგენტოს (CIA) დირექტორს უთხრეს, რომ ის ნატო-ს პროვოცირებას არ მოახდენდა, - ამის შეასხებ პოლონეთის საგარეო საქმეთა მინისტრის, რადოსლავ სიკორსკი წერს.
მისი თქმით, რუსეთის პრეზიდენტს მსგავსი დაპირება უკრაინაში შეჭრამდეც ჰქონდა გაცემული.
„როგორც ჩანს, პუტინის აგენტებმა აშშ-ის ცენტრალური სადაზვერვო სააგენტოს დირექტორს უთხრეს, რომ ის ნატო-ს პროვოცირებას არ მოახდენდა. პუტინმა პრეზიდენტ ბაიდენის დროსაც უთხრა ცენტრალური სადაზვერვო სააგენტოს დირექტორს, რომ უკრაინაში არ შეიჭრებოდა. ჩვენ უნდა დავაჩქაროთ თავდაცვის მზადება“, – წერს სიკორსკი.
ცნობისთვის, აშშ-ის ცენტრალური სადაზვერვო სააგენტოს დირექტორი ჯონ რატკლიფი მოსკოშვი იმყოფებოდა.
გამოცემა Politico-სთვის ცნობილი გახდა, რომ ჯონ რატკლიფმა მოსკოვში ვიზიტისას რუსეთის ოფიციალურ პირებს მოუწოდა, თავი შეიკავონ ისეთი ქმედებებისგან, რომლებმაც შესაძლოა აშშ-ის ნატო-ელ მოკავშირეებთან, კერძოდ, ესტონეთთან, ლატვიასა და ლიეტუვასთან, დაპირისპირება გაამწვავოს.
კრემლის პრესსპიკერმა, დმიტრი პესკოვმა კი განაცხადა, რატკლიფის ვიზიტი ორი ქვეყნის სპეცსამსახურებს შორის კონტაქტს უკავშირდება.
