სასკოლო ფორმების შეძენა ონლაინაც იქნება შესაძლებელი. ინფორმაციას განათლების სამინისტრო ავრცელებს.
უწყების ინფორმაცით, პირველკლასელებისთვის სასკოლო ფორმის შეძენა 1 სექტემბრიდან 14 სექტემბრის ჩათვლით იქნება შესაძლებელი.
15 სექტემბრიდან კი ფორმების შეძენა მხოლოდ ელექტრონული პორტალის მეშვეობით იქნება შესაძლებელი.
"პირველკლასელთათვის სასკოლო ფორმის შეძენა 1 სექტემბრიდან 14 სექტემბრის ჩათვლით იქნება შესაძლებელი. მშობლებს საქართველოს ყველა რეგიონში ექნებათ საშუალება შეიძინონ სასკოლო ფორმა რეალიზაციის პუნქტებში ან ონლაინ სპეციალურად შექმნილ ელექტრონულ პლატფორმაზე formebi.emis.ge
პლატფორმაზე მომხმარებელი ნახავს: სასკოლო ფორმების მოდელებს, ზომებსა და ღირებულებას, რეალიზაციის პუნქტების ზუსტ მისამართებსა და საკონტაქტო ინფორმაციას.
აღსანიშნავია, რომ 15 სექტემბრიდან ფორმების შეძენის შესაძლებლობა მშობლებს მხოლოდ ელექტრონული პლატფორმის მეშვეობით ექნებათ." - ნათქვამია განცხადებაში.
