19 აგვისტოს, თითქმის ორთვიანი პაუზის შემდეგ, უკრაინასა და რუსეთს შორის ტყვეთა მორიგი გაცვლა გაიმართა. რუსეთის ტყვეობიდან უკრაინაში 103 სამხედრო დაბრუნდა.. ინფორმაცია უკრაინის პრეზიდენტმა ვოლოდიმირ ზელენსკიმ დაადასტურა. გაცვლა 103-103 ფორმატით განხორციელდა.

ზელენსკის თქმით, გათავისუფლებულთა შორის არიან უკრაინის შეიარაღებული ძალების, სახელმწიფო სასაზღვრო სამსახურისა და ეროვნული გვარდიის სამხედროები. მათ შორის არიან მებრძოლები, რომლებიც მარიუპოლს, ასევე დონეცკის, ლუჰანსკის, ხარკოვის, ზაპოროჟიეს, ხერსონის, დნიპროსა და სუმის მიმართულებებს იცავდნენ.

„ესენი არიან შეიარაღებული ძალების, სახელმწიფო სასაზღვრო სამსახურის და ეროვნული გვარდიის დამცველები. გათავისუფლებულებს შორის არიან ჯარისკაცები, რომლებიც იცავდნენ უკრაინას მარიუპოლში, დონეცკში, ლუგანსკში, ხარკოვში, ზაპოროჟიეში, ხერსონში, დნეპრისა და სუმიში“, - აღნიშნა ზელენსკიმ.

უკრაინის პრეზიდენტმა მადლობა გადაუხადა ყველა უკრაინელ ჯარისკაცს, რომლებიც „წვლილი შეაქვთ უკრაინის გაცვლის ფონდში და თავიანთი გამბედაობით უზრუნველყოფენ უკრაინელი მამაკაცებისა და ქალების სამშობლოში დაბრუნებას“.

ეს 2026 წლის 77-ე გაცვლაა. წინა გაცვლა 26 ივნისს გაიმართა, როდესაც მხარეებმა 160-160 სამხედრო გაცვალეს.