ნიდერლანდების საგარეო საქმეთა მინისტრმა ტომ ბერენდსენმა სისხლის სამართლის საერთაშორისო სასამართლოს თავმჯდომარის, ტომოკო აკანეს წინააღმდეგ აშშ-ის მიერ დაწესებული სანქციები დაგმო.
ამის შესახებ მან სოციალურ ქსელ X-ზე დაწერა,
ბერენდსენმა განაცხადა, რომ ნიდერლანდები, სადაც სისხლის სამართლის საერთაშორისო სასამართლო მდებარეობს, აშშ-ის სანქციების ფონზე მხარს უჭერს სასამართლოსა და მის თანამშრომლებს.
„ნიდერლანდები გმობს სისხლის სამართლის საერთაშორისო სასამართლოს თანამდებობის პირებისა და თანამშრომლების წინააღმდეგ დაწესებულ ბოლო სანქციებს. საერთაშორისო სასამართლოებსა და ტრიბუნალებს უნდა ჰქონდეთ შესაძლებლობა, თავისუფლად განახორციელონ თავიანთი უფლებამოსილება“, - აღნიშნა მან.
ნიდერლანდების საგარეო საქმეთა მინისტრმა აკანეს შემდგომი მხარდაჭერის საკითხების განსახილველად შეხვედრა შესთავაზა.
როგორც ცნობილია, აშშ-ის სახელმწიფო მდივანმა მარკო რუბიომ განაცხადა, რომ ტრამპის ადმინისტრაცია სანქციებს აწესებს აკანესა და სასამართლოს უფროსი ადვოკატის, სენეგალის მოქალაქე აბდულაი სეეს წინააღმდეგ. სანქციები ეფუძნება პრეზიდენტ ტრამპის მიერ გასულ წელს გამოცემულ განკარგულებას, რომელიც სასამართლოს წინააღმდეგ სანქციების დაწესების შესაძლებლობას ითვალისწინებს.
რუბიომ ასევე განაცხადა, რომ გასულ თვეში ტრამპის ადმინისტრაცია გააძლიერებს ძალისხმევას სისხლის სამართლის საერთაშორისო სასამართლოს ავტორიტეტის შესარყევად, მათ შორის სხვა ქვეყნების ამ ორგანიზაციიდან გასვლის წახალისების გზით.
