კუბასთან დაკავშირებით ყველა ვარიანტი მაგიდაზეა, მათ შორის სამხედრო ვარიანტებიც, - ამის შესახებ აშშ-ის თავდაცვის მდივანმა, პიტ ჰეგსეთმა პანამაში ვიზიტისას განაცხადა.
„კარაკასის დაცვა რუსეთის საჰაერო თავდაცვის სისტემებს ევალებოდათ. მათ ვერ იმუშავეს. მადუროს დაცვა კუბელ გვარდიელებს ევალებოდათ. მათ ეს ვერ შეძლეს. ახლა კი ვხედავთ, რომ კუბელები და რუსები ვენესუელიდან გააძევეს", - განაცხადა ჰეგსეთმა.
მისი თქმით, ვაშინგტონი კუბასთან დაკავშირებით ყველა შესაძლო ვარიანტს განიხილავს.
„ყველა ვარიანტი მაგიდაზეა, მათ შორის სამხედრო ვარიანტებიც. კუბამ გონივრულად უნდა გაითვალისწინოს პრეზიდენტ ტრამპის მზაობა, დაიცვას ამერიკის სტრატეგიული ინტერესები, ხოლო მათი თავდაჯერებულობა შეერთებულ შტატებთან შედარებით არაფერს ნიშნავს“, – განმარტავს აშშ-ის თავდაცვის მდივანი.
