2008 წლის აგრესიამ და საქართველოს ტერიტორიების ოკუპაციამ, ისევე როგორც განუწყვეტელმა მცოცავმა ანექსიამ, პირდაპირ გაუხსნა გზა რუსეთის აგრესიას უკრაინის წინააღმდეგ, - ამის შესახებ უკრაინის საგარეო საქმეთა მინისტრი ანდრი სიბიჰა სოციალურ ქსელში წერს.
მისი განცახდებით, უკრაინა კვლავ მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას.
"თვრამეტი წლის წინ რუსეთის შეიარაღებული ძალები სასტიკად შეიჭრნენ სუვერენულ საქართველოში, დაარღვიეს საერთაშორისო სამართალი მოსკოვის იმპერიული პოლიტიკის ფარგლებში, რომლის მიზანიც სხვა ერებისა და ხალხების დამორჩილებაა.
2008 წლის აგრესიამ და საქართველოს ტერიტორიების ოკუპაციამ, ისევე როგორც განუწყვეტელმა მცოცავმა ანექსიამ, პირდაპირ გაუხსნა გზა რუსეთის აგრესიას უკრაინის წინააღმდეგ.
უკრაინა კვლავ მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ არასდროს შევეგუებით რუსეთის მიერ ქართული და უკრაინული მიწების უკანონო ოკუპაციას, არც „რუსულ სამყაროს“, რომელსაც სადაც არ უნდა გავრცელდეს, მხოლოდ ნგრევა, სიღარიბე და ადამიანის უფლებების დარღვევები მოაქვს.
მოვუწოდებთ საერთაშორისო საზოგადოებას, გაზარდოს ზეწოლა მოსკოვზე, გაამკაცროს სანქციები და უზრუნველყოს რუსეთის მიერ ჩადენილი დანაშაულებისთვის სრული პასუხისმგებლობის დაკისრება. ევროპაში ხანგრძლივი მშვიდობის დამყარება მოითხოვს რუსული ჯარების სრულ გაყვანას და საერთაშორისო სამართლის სრულ აღდგენას", - წერს სიბიჰა.
