შათირიშვილის ფილოსოფიური ნააზრევი მისი დამოუკიდებელი აზრი არ არის, ის აგრძელებს კობახიძის განცხადებას, რომელიც მან რუსოფობიაზე გააკეთა, - ამის შესახებ კოალიცია “ცვლილებისთვის“ წევრმა, გიორგი ბუტიკაშვილმა განაცხადა.
ბუტიკაშვილის თქმით, ეს განცხადებები მეტყველებს იმაზე, რომ “ქართული ოცნება“ ცდილობს ქვეყანაში რუსეთის კრიტიკა აკრძალოს.
"შათირიშვილის ფილოსოფიური ნააზრევი მისი დამოუკიდებელი აზრი არ არის, ის აგრძელებს კობახიძის განცხადებას, რომელიც მან რუსოფობიაზე გააკეთა და რომელსაც მოგვიანებით მოჰყვა სუს-ის განცხადება, სადაც უკვე სისხლის სამართლის პასუხისგება შემოდის იმ ადამიანებზე, ვინც რუსებს და რუსეთს გააკრიტიკებს. ეს ერთიანობაში, სამივე განცხადება მეტყველებს ერთ რაღაცაზე, რომ “ქართული ოცნება“ ცდილობს ქვეყანაში რუსეთის კრიტიკა აკრძალოს. ანუ ის ეროვნული ბრაზი, რაც რუსეთის მიმართ არის ქვეყანაში, ამის წინააღმდეგ მიიღონ ზომები, ის ბრაზი, რაც საზოგადოებაშია, რომ გადაფარონ, თავად საზოგადოებას გამოუტანეს გაანჩენი და უთხრეს, რომ თქვენ რუსოფობები ხართ და რუსოფობია ქვეყანაში დაისჯება. ფაქტობრივად პუტინს აწუხებს რუსოფობია და ასევე, აწუხებს კობახიძეს და ივანიშვილის რეჟიმს", - განუცხადა გიორგი ბუტიკაშვილმა "ტვ პირველს".
