აზერბაიჯანმა უკრაინას კრიტიკული ინფრასტრუქტურის მხარდასაჭერად 40 ტონა აღჭურვილობა გადასცა. ამის შესახებ განცხადებას უკრაინის ენერგეტიკის სამინისტრო სოციალურ ქსელში ავრცელებს.
"უკრაინის ენერგეტიკის სამინისტროს ჰაბის მეშვეობით აზერბაიჯანიდან თითქმის 40 ტონა აღჭურვილობა რკინიგზის ერთ-ერთ რეგიონულ ფილიალს გადაეცა, რათა ხელი შეუწყოს უკრაინელი რკინიგზელების მუშაობას და გააძლიეროს კრიტიკული ინფრასტრუქტურის მდგრადობა.
ჰაბიდან თითქმის ყოველდღიურად იგზავნება აღჭურვილობა ქვეყნის სხვადასხვა რეგიონში. ეს ეხმარება როგორც ენერგეტიკულ სექტორს, ისე სხვა კრიტიკულ ინფრასტრუქტურას, შეუფერხებლად გააგრძელონ მუშაობა რუსეთის მუდმივი თავდასხმების პირობებში.
მადლობა აზერბაიჯანსა და STP Global Cable-ს უკრაინის გვერდში დგომისა და ჩვენი კრიტიკული ინფრასტრუქტურის მხარდაჭერისთვის“, - ნათქვამია განცხადებაში.
