არსებული ინფორმაციით, თბილისის საკრებულოსთან, სადაც ცოტა ხნის წინ აქტივისტი თორნიკე თოშხუა დააკავეს, პოლიციამ კიდევ რამდენიმე პირი დააკავა.
გავრცელებული ცნობით, დაკავებულია 10-ზე მეტი ადამიანი.
დაკავებას წინ უძღოდა აქტივისტების მხრიდან შეძახილები, მათ შორის ბიძინა ივანიშვილის მისამართით. ასევე, მათ ხელში ეკავათ საპროტესტო ბანერები.
სამოქალაქო აქტივისტების ინფორმაციით, დაკავებულები არიანნატო ბოლქვაძე, სანდრო სეხნიაშვილი, ლაშა დგებუაძე, ვასო ბერიძე, მარიამ მეყანწიშვილი, შაკო ბაღდოშვილი, თორნიკე ტიკარაძე, ია მელითაური, ნინი ნაჭყებია და მარინე ნანავა.
მანამდე დააკავეს აქტივისტი თორნიკე თოშხუაც, რომელიც საკრებულოსთან იდგა ბანერით, რომელზეც ბიძინა ივანიშვილთან დაკავშირებით უცენზურო წარწერა იყო განთავსებული. შინაგან საქმეთა სამინისტროში ამბობენ, რომ თოშხუა ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმანი ხულიგნობით საზოგადოებრივი წესრიგის დარღვევას გულისხმობს.
