საქართველოს უმეტეს ნაწილში ელექტროენერგიის მიწოდება შეწყვეტილია. სახელმწიფო ელექტროსისტემის ვებგვერდის მონაცემებით, 00:15-ის მდგომარეობით საქართველოს ელექტრომიწოდება ავარიულად გაითიშა. მოხმარება 1860 მეგავატ საათიდან 563 მეგავატ საათამდე შემცირდა.
საქართველოს სახელმწიფო ელექტროსისტემის ინფორმაციით, ქვეყნის დიდ ნაწილში ელექტროენერგიის გათიშვა გამოიწვია საქართველო-თურქეთის 400 კვ-იანი ელექტროგადამცემი ხაზის „მესხეთის“ ავარიამ. ამის შედეგად შეწყდა თურქეთიდან ელექტროენერგიის იმპორტი და ქვეყნის უმეტეს ნაწილს დროებით შეეზღუდა ელექტრომომარაგება.
სახელმწიფო ელექტროსისტემის ინფორმაციით, ამჟამად მიმდინარეობს ელექტროენერგიის ეტაპობრივი აღდგენა.
