მსოფლიო ჩემპიონატის მეორე ნახევარფინალურ შეხვედრაში არგენტინის ნაკრებმა ინგლისი დრამატულ შეხვედრაში 2:1 დაამარცხა და მუნდიალის ფინალში ზედიზედ მეორედ გავიდა.
პირველი ტაიმი უგოლოდ დასრულდა. მეორე ტაიმში, 55-ე წუთზე ენტონი გორდონმა ინგლისი წინ გაიყვანა. ამის შემდეგ არგენტინა კიდევ უფრო მეტად გააქტიურდა.
მატჩის 85-ე წუთზე ლიონელ მესის გადაცემით ანგარიში ენცო ფერნანდესმა გაათანაბრა. 90+2-ე წუთზე კი მეორე გოლი ინგლისელთა კარში კვლავ მესის გადაცემით ლაუტარო მარტინესმა გაიტანა. მსოფლიო ჩემპიონატის ფინალი არგენტინასა და ესპანეთს შორის 19 ივლისს, ნიუ ჯერსიში, მეტლაიფ სტადიონზე“ შედგება. არგენტინა თავისი მეოთხე ტიტულისთვის იბრძოლებს, ხოლო ესპანეთი – მეორესთვის. მანამდე, 18 ივლისს მესამე ადგილისთვის საფრანგეთი და ინგლისი ითამაშებენ.
