ევროკომისიის მთავარი პრესსპიკერის მოადგილემ, ოლოფ გილმა, განაცხადა, რომ ევროკომისიის პრეზიდენტი ურსულა ფონ დერ ლაიენი 15 ივლისს ოფიციალური ვიზიტით კიევში ჩავა.
ამასთან, ევროკომისიის წარმომადგენელს ვიზიტის მიზანი არ დაუკონკრეტებია.
„პრეზიდენტი ფონ დერ ლაიენი ხვალ კიევში იქნება. უსაფრთხოების მოსაზრებებიდან გამომდინარე, ამ ეტაპზე დამატებით დეტალებს ვერ ვადასტურებთ და გთხოვთ, ამას გაგებით მოეკიდოთ,“ - განაცხადა გილმა.
მისივე თქმით, ევროკომისია ვიზიტის შესახებ დამატებით ინფორმაციას მაშინ გაავრცელებს, „როდესაც ამის შესაძლებლობა იქნება.“
