აშშ-ის პრეზიდენტმა დონალდ ტრამპმა განაცხადა, რომ უკრაინის მიერ რუსეთის ნავთობგადამამუშავებელ ქარხნებზე განხორციელებული შორი მოქმედების დარტყმები ესკალაციაა, რომელმაც შესაძლოა ომის დასრულება გამოიწვიოს.
ამის შესახებ ტრამპმა უკრაინის პრეზიდენტ ვოლოდიმირზელენსკისთან შეხვედრისას, ანკარაში, ნატო-ს სამიტის ფარგლებში განაცხადა.
როდესაც საუბარი უკრაინის შორი მოქმედების დარტყმებს შეეხო, ტრამპმა სიტყვა თავდაპირველად აშშ-ის სახელმწიფო მდივანს, მარკო რუბიოს გადასცა.
რუბიოს თქმით, სწორედ ამ ფაქტორმა შეცვალა ომის დინამიკა.
„სწორედ ამან შეცვალა ომის მიმდინარეობა ბოლო თვეებში. რუსებს საკუთარი საჰაერო სივრცის დაცვა გაუჭირდათ. ეს ახლა ქმნის სივრცეს მოლაპარაკებებისთვის, რომლებიც ომის დასრულებას უნდა ემსახურებოდეს“,– განაცხადა რუბიომ.
ამის შემდეგ ტრამპმა დასძინა:
„თუმცა ეს ასევე არის ესკალაცია, რომელმაც შესაძლოა ომის დასრულება გამოიწვიოს.“
