ლიეტუვის პრეზიდენტმა გიტანას ნაუსედამ მხარი დაუჭირა აშშ-ის ძალისხმევას, რომელიც ირანის მიერ ბირთვული იარაღის შექმნის თავიდან არიდებისკენ არის მიმართული.
მისი თქმით, ეს კონფლიქტი ლიეტუვის უსაფრთხოების ინტერესებსაც ეხება.
ანკარაში, სადაც ნატო-ს სამიტი მიმდინარეობს, ჟურნალისტებთან საუბრისას ნაუსედამ განაცხადა, რომ ლიეტუვა შეშფოთებულია ახლო აღმოსავლეთში კრიზისის შემდგომი ესკალაციის რისკით, თუმცა მხარს უჭერს ძალისხმევას, რათა ირანმა ბირთვული იარაღის შექმნა ვერ შეძლოს.
„რა თქმა უნდა, ჩვენ შეშფოთებული ვართ ახლო აღმოსავლეთში კრიზისის შემდგომი ესკალაციით, მაგრამ ამავე დროს გვესმის, რომ უნდა გადავჭრათ პრობლემები, რომლებიც ირანში ბირთვული იარაღის შესაძლო განვითარებას უკავშირდება. ამიტომ ჩემი ქვეყანა შეერთებულ შტატებს სოლიდარობას უცხადებს. აშკარაა, რომ ეს ჩვენი კონფლიქტიცაა, ჩვენი ომიცაა და ჩვენ ერთიანობა უნდა შევინარჩინოთ, თუ შეერთებული შტატებისგან სოლიდარობას ველით", - განაცხადა ნაუსედამ.
ნაუსედამ აღნიშნა, რომ ლიეტუვის სახელმწიფო თავდაცვის საბჭოს ივნისის დასაწყისში მიღებული გადაწყვეტილების შემდეგ, ქვეყნის პარლამენტმა უფლება მისცა 40-მდე ლიტუველი სამხედრო მოსამსახურისა და თავდაცვის სფეროს სამოქალაქო თანამშრომლის საერთაშორისო ოპერაციებში განთავსებას.
ეს ოპერაციები მიზნად ისახავს ჰორმუზის სრუტეში ნავიგაციის აღდგენას.
