უკრაინის პრეზიდენტი ვოლოდიმირ ზელენსკი გასულ ღამეს უკრაინის წინააღმდეგ რუსეთის თავდასხმას ეხმიანება.
მისი თქმით, ძალიან მნიშვნელოვანია, რომ მსოფლიომ, პირველ რიგში ამერიკამ და ჩვენმა ევროპელმა პარტნიორებმა, ნატო-ს სამიტზე ანკარაში გამოვიდნენ ძლიერი გადაწყვეტილებებით უკრაინის ცის დაცვის მხარდასაჭერად.
"ამ ღამით კიევი მასირებული რუსული შეტევის ქვეშ იყო. რუსეთმა გაუშვა 68 რაკეტა და კიდევ 351 დამრტყმელი დრონი. ამჟამად მიმდინარეობს შედეგების ლიკვიდაცია. ზარალი დაფიქსირდა ქალაქის 10-ზე მეტ ლოკაციაზე, მათ შორის საცხოვრებელ სახლებში. ადგილზე მუშაობს ყველა საჭირო სამსახური, რომლებიც მაქსიმალურად ცდილობენ ადამიანების გადარჩენას და დახმარების გაწევას ყველასთვის, ვისაც ეს სჭირდება. ამ დროისთვის უკვე შეძლეს 64 ადამიანის გადარჩენა, მათ შორის ორი ბავშვია. ასევე ამჟამად ცნობილია, რომ, სამწუხაროდ, ამ შეტევის შედეგად დაიღუპა 11 ადამიანი. ვუსამძიმრებ მათ ოჯახებსა და ახლობლებს. კიდევ დაახლოებით 60 ადამიანი დაშავდა.
კიევის ოლქში 16 დაშავებულია, დაიღუპა სამი ადამიანი. ვუსამძიმრებ მათ ოჯახებსა და ახლობლებს. ვიშნევოში გრძელდება ხანძარი სარაკეტო დარტყმის ადგილზე. მიმდინარეობს მოსახლეობის ევაკუაცია კერძო სექტორიდან. შეტევის შედეგების ლიკვიდაციაში ჩართულია 400-ზე მეტი მაშველი და პოლიციელი.
ჩვენმა მეომრებმა დღეს კარგად იმუშავეს დრონებისა და ფრთოსანი რაკეტების მოგერიებაში, მაგრამ სამწუხაროდ არა რუსული ბალისტიკური რაკეტების. ამის მიზეზი არის სწორედ ჩამჭერელი რაკეტების არასაკმარისი მიწოდება. ძალიან მნიშვნელოვანია, რომ მსოფლიო, პირველ რიგში ამერიკა და ჩვენო ევროპელი პარტნიორები, ანკარაში, ნატო-ს სამიტზე გამოვიდნენ ძლიერი გადაწყვეტილებებით ჩვენი ცის დაცვის მხარდასაჭერად და, შესაბამისად, ჩვეულებრივი ადამიანების სიცოცხლის დასაცავად. ვიდრე Patriot-ის რაკეტები მოკავშირეების საწყობებში ინახება, რუსეთი მხოლოდ მეტად არის წახალისებული, გააგრძელოს საცხოვრებელი სახლების წინააღმდეგ დარტყმები. აშშ-სა და ევროპას საკმარისი ძალა აქვთ ამ ტერორის შესაჩერებლად", - წერს ზელენსკი.
