კიევში, 6 ივლისის ღამეს რუსეთის თავდასხმის შედეგად დაიღუპა 11 ადამიანი, ხოლო 46 დაშავდა, მათ შორის 2 ბავშვი. სულ მცირე 15 საცხოვრებელი სახლი დაზიანდა ან ნაწილობრივ განადგურდა.
ინფორმაციას უკრაინის გენერალური პროკურატურა და საგანგებო სიტუაციების სახელმწიფო სამსახურის ავრცელებენ.
„რუსეთის ფედერაციის კომბინირებული შეტევის შედეგად 2026 წლის 6 ივლისს, დილის 8 საათის მდგომარეობით, ცნობილია 10 დაღუპულისა და 46 დაშავებულის შესახებ,“ - აღნიშნულია უკრაინის გენერალური პროკურატურის განცხადებაში.
დარტყმების ეპიცენტრები გახდა დარნიცის რაიონი და პოდოლის რაიონი. ასევე დაზიანებები დაფიქსირდა გოლოსიივისა და ობოლონის რაიონებში.
კერძოდ, პოდოლის რაიონში ერთ-ერთ საცხოვრებელ სახლში დაზიადნა ბინები მე-5-დან მე-9 სართულამდე.
დარნიცის რაიონში გაჩნდა ხანძარი და განადგურდა ბინები 25-სართულიანი კორპუსის 2-დან 5-ე სართულებამდე. ასევე ნამსხვრევების მოხვედრის შედეგად ხანძარი გაჩნდა კიდევ ერთი კომპლექსის 30-სართულიან საცხოვრებელ კორპუსში, სადაც რამდენიმე ბინა დაიწვა.
ამ დროისთვის დაღუპულებისა და დაშავებულების საბოლოო რაოდენობა დგინდება.
პოდოლის რაიონში სამუშაოები გრძელდება დაზიანებულ ცხრასართულიან საცხოვრებელ კორპუსში, სადაც ნგრევა დაფიქსირდა მე-9-დან მე-5-ე სართულებამდე. მაშველები ადგილზე ადამიანებს კვლავ ეძებენ.
პოდოლის, დარნიცისა და გოლოსიივის რაიონებში საცხოვრებელი სახლების დაზიანების ადგილებზე სალიკვიდაციო სამუშაოები გრძელდება.
ობოლონის რაიონში კი საწყობებში გაჩენილი ხანძრის ქრობის ოპერაცია ამ დრომდე მიმდინარეობს.
