რუსეთმა კიევზე ბალისტიკური და ფრთოსანი რაკეტებით იერიში მიიტანა.
სარაკეტო დარტყმა განხორციელდა დარტყმა მრავალსართულიან საცხოვრებელ კორპუსზე. ამ დროისათვის ცნობილია 7 დაღუპულისა და 24 დაშავებულის შესახებ.
6 ივლისის ღამეს რუსეთის მიერ გაშვებული რაკეტა კიევის პოდოლის რაიონში მდებარე ცხრასართულიან საცხოვრებელ სახლს მოხვდა, რის შედეგადაც შენობა ნაწილობრივ დაინგრა.
ამის შესახებ კიევის მერმა, ვიტალი კლიჩკომ, განაცხადა.
მისი თქმით, პოდოლის რაიონში დაზიანებული საცხოვრებელი კორპუსის 7–9 სართულებზე ადამიანები ნანგრევებში იყვნენ მოყოლილი
ასევე კიევის საქალაქო სამხედრო ადმინისტრაციის ხელმძღვანელმა, ტიმურ ტკაჩენკომ, განაცხადა, რომ რუსეთის თავდასხმის შედეგად დარნიცის რაიონშიც დაფიქსირდა ნგრევა და ხანძრები.
გამთენიისას ვიტალი კლიჩკომ განაცხადა, რომ დარნიცის რაიონში ნამსხვრევები 25-სართულიან საცხოვრებელ კორპუსს მოხვდა და მეოთხე სართული დააზიანა.
სამაშველო სამსახურებმა შენობიდან 22 ადამიანის ევაკუაცია შეძლეს.
ასევე სხვა მისამართზე 30-სართულიანი საცხოვრებელი კორპუსის 23-ე და 24-ე სართულებზე ხანძარი გაჩნდა. ამ დროისთვის შენობიდან მოსახლეობის ევაკუაცია კვლავ მიმდინარეობს.
