5 ივლისის ღამეს უკრაინის თავდაცვის ძალებმა დარტყმა მიიტანეს დროებით ოკუპირებული ყირიმის ტერიტორიაზე მდებარე „გვარდეისკოეს“ აეროდრომზე. ამის შესახებ ინფორმაციას უკრაინის გენერალურმა შტაბი ავრცელებს.
მიყენებული ზარალის მასშტაბი ამ დროისთვის უცნობია.
სამხედროების ინფორმაციით, „გვარდეისკოე“ ყირიმში ერთ-ერთი საკვანძო რუსული სამხედრო აეროდრომია და გამოიყენება ოპერატიულ-ტაქტიკური და საზღვაო ავიაციის თვითმფრინავების ბაზირებისთვის, საბრძოლო გაფრენების უზრუნველყოფისთვის, ასევე ლოჯისტიკისა და საავიაციო ტექნიკის ტექნიკური მომსახურებისთვის.
გარდა ამისა, გენშტაბის ცნობით, დაზიანდა საავტომობილო ხიდი მდინარე გრუზკი-იალანჩიკის გადაკვეთაზე გუსელნიკოვოს რაიონში და საავტომობილო ხიდი მდინარე კალმიუსზე, სტარომარიევკის რაიონში (დონეცკის ოლქი).
სამხედროები ასევე აღნიშნავენ, რომ დონეცკის, ლუჰჯანსკისა და ხერსონის ოლქებში განადგურებულია მოწინააღმდეგის სამი საბრძოლო მასალის საწყობი.
