ღამით განხორციელებული თავდასხმების შემდეგ ანექსირებულ ყირიმში რამდენიმე ელექტრო ქვესადგურზე ხანძარი გაჩნდა.
ამის შესახებ Telegram-არხი "კრიმსკი ვეტერი" წყაროებზე დაყრდნობით იუწყება.
გავრცელებული ინფორმაციით, ღამის 02:00 საათზე „ბელოგორსკის“ ელექტრო ქვესადგურის ტერიტორიაზე თერმული სიგნალები დაფიქსირდა.
ქვესადგური ელექტროენერგიით ამარაგებს ქალაქ ბელოგორსკს, მის შემოგარენსა და რამდენიმე მსხვილ სამრეწველო ობიექტს, მათ შორის სასათბურე კომპლექსს.
მანამდე, 3 ივლისის ღამის განმავლობაში, Telegram-არხები ყირიმში აფეთქებების შესახებ იუწყებოდნენ.
"კრიმსკი ვეტერის" ცნობით, ცეცხლი გაუჩნდა ასევე „მარიანოვკის“ ელექტრო ქვესადგურს, რომელიც ყირიმის კრასნოგვარდეისკის რაიონში მდებარეობს და რომელიც, გავრცელებული ინფორმაციით, კვლავ თავდასხმის ქვეშ მოექცა.
არხის ცნობით, 2024–2026 წლებში ობიექტზე მასშტაბური რეკონსტრუქცია მიმდინარეობს. სამუშაოების ფარგლებში ძველი, 20 მეგავოლტამპერიანი ტრანსფორმატორები ახალი, 40 მეგავოლტამპერიანი ტრანსფორმატორებით იცვლება.
„მარიანოვკის“ ელექტრო ქვესადგურზე თავდასხმა მანამდეც განხორციელდა - ის 29 ივნისის ღამესაც დაიბომბა და ხანძარი გაჩნდა.
ამასთან, ხანძარი დაფიქსირდა ასევე სოფელ იანტარნოესთან მდებარე სარკინიგზო ხიდის მიმდებარე ტერიტორიაზეც, რომელიც სოფელ მარიანოვკის სიახლოვეს მდებარეობს.
