რუსეთის მიერ ანექსირებულ ყირიმში, ღამით განხორციელებული დაბომბვის შემდეგ, საკის თბოელექტროცენტრალს ცეცხლი გაუჩნდა.
Telegram-არხ "კრიმსკი ვეტერის' ინფორმაციით, ხანძარი საწვავის რეზერვუარების ტერიტორიაზე გაჩნდა.
Telegram-არხის ცნობით, ღამით დაახლოებით ერთი საათის განმავლობაში 16 აფეთქება დაფიქსირდა, რასაც ძლიერი დაკვამლიანება მოჰყვა.
ცნობისთვის, საკის თბოელექტროცენტრალი ქალაქისთვის თბოენერგიის მთავარი მიმწოდებელია.
დიდი ბრიტანეთის სამხედრო დაზვერვამ ერთ-ერთ ბოლო მიმოხილვაში უკრაინის მიერ რუსეთის მიერ ოკუპირებულ ყირიმზე განხორციელებული დარტყმების სერია გააანალიზა და აღნიშნა, რომ უკრაინამ ყირიმის ხიდზე დარტყმების განხორციელების შესაძლებლობები გააფართოვა.
