უხვმა ნალექმა სენაკში პრობლემები შექმნა.
დაიტბორა კერძო საცხოვრებელი სახლების პირველი სართულები, ეზოები, მრავალსართულიანი ბინების სადარბაზოები, საავტომობილო გზები. შეფერხებული იყო მოძრაობა სარკინიგზო ხიდის ქვეშ.
უხვი ნალექის შედეგად სენაკის მუნიციპალიტეტში დაიტბორა სახნავ-სათესი ფართობები, დაზიანდა ინფრასტრუქტურა.
"ძლიერი წვიმებისგან წარმოქმნილმა წყალდიდობამ დააზარალა მოსახლეობის ნაწილი, დააზიანა მუნიციპალური ინფრასტრუქტურა.
დაიტბორა ქუჩები, წყალმა რამენიმე ქუჩაზე საცხოვრებელი სახლების პირველი სართულები და ეზოები დატბორა. ასევე დაიტბორა სახნავ-სათესი ფართობები. დაზიანდა ადმინისტრაციული ერთეულების შიდა გრუნტოვანი გზები, ხიდების ნაწილი", - აცხადებენ სენაკის მუნიციპალიტეტის მერიაში.
ადგილზე მუშაობს საგანგებო სიტუაციების მართვის სამსახურის ჯგუფები და მუნიციპალური სამსახური.
