უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინულმა შორ მანძილზე მოქმედმა „ფლამინგოს“ ტიპის რაკეტებმა რუსეთის ქალაქ ვოლგოგრადში მდებარე სამხედრო-სამრეწველო საწარმო „ტიტან-ბარიკადს“ დაარტყეს .
პრეზიდენტის თქმით, ამ ქარხანაში რუსეთი აწარმოებს საარტილერიო სისტემებსა და სპეციალურ სამხედრო ტექნიკას, მათ შორის სარაკეტო გამშვები დანადგარების კომპონენტებს.
დარტყმის შემდეგ ქარხნის ტერიტორიაზე ხანძარი გაჩნდა.
„უკრაინის შორ მანძილზე მოქმედი სანქციების არეალი მუდმივად ფართოვდება. სწორედ ჩვენი ზეწოლა ქმნის საფუძველს, რომ საბოლოოდ დადგეს ღირსეული მშვიდობა“, - განაცხადა ზელენსკიმ.
უკრაინის პრეზიდენტმა მადლობა გადაუხადა უკრაინელ ინჟინრებსა და სამხედროებს, რომლებიც ქვეყნის შორ მანძილზე მოქმედი შესაძლებლობების განვითარებაზე მუშაობენ.
