ევიანში, "დიდი შვიდეულის" სამიტის ფარგლებში გამართული ვახშმის დროს, აშშ-ის პრეზიდენტმა დონალდ ტრამპმა უკრაინელ კოლეგას ვოლოდიმირ ზელენსკის უთხრა, რომ აღფრთოვანებულია კიევის ბოლო სამხედრო წარმატებებით.
ამის შესახებ Financial Times წერს.
გამოცემასთან საუბარში უკრაინელმა ოფიციალურმა პირებმა აღნიშნეს, რომ ხედავენ ნიშნებს, რომ დონალდ ტრამპი უფრო მეტად იხრება კიევისთვის მხარდაჭერის გაძლიერებისკენ და შესაძლოა უფრო მზად იყოს რუსეთზე ზეწოლის გაზრდისთვის, რათა ომი დასრულდეს
თუმცა წყაროები ჯერ კიდევ სკეპტიკურები არიან იმასთან დაკავშირებით, დაიცავს თუ არა აშშ-ის პრეზიდენტი თავის სიტყვას. მათ აღნიშნეს, რომ მას აქამდეც მიუცია დაპირებები, რომლებიც არ შეუსრულებია.
ამის მიუხედავად, ვოლოდიმირ ზელენსკისთან და სხვა ლიდერებთან შეხვედრების შემდეგ მათ „ფრთხილი ოპტიმიზმი“ გამოხატეს Patriot-ის ტიპის რაკეტების და იარაღის წარმოების ლიცენზიების შესაძლო მიწოდების პროგრესის მიმართ.
