ადვოკატ ეკა ბესელიას განცხადებით, „დროას“ლიდერის ელენე ხოშტარიას ჯანმრთელობის მდგომარეობა მაღალი კვალიფიკაციის სამედიცინო ჩარევას მოითხოვს.
როგორც ეკა ბესელია აღნიშნავს, ციხის დირექტორისგან მიიღო დასტური, რომ სანდოობის დაცვით გადაიდგას შემდგომი ნაბიჯებიც.
„ელენე ხოშტარიას ჯანმრთელობის მდგომარეობა მოითხოვს კომპლექსურ და მაღალი კვალიფიკაციის სამედიცინო ჩარევას. ჩაერთო ელენესთვის სანდო ექიმი პროცესში.
დღესაც მქონდა დაწესებულების დირექტორთან კომუნიკაცია და გადავეცი ელენეს პოზიცია - კონკრეტული ექიმის ჩართვის თაობაზე.
მივიღე დასტური, რომ სანდოობის დაცვით მოხდეს შემდეგი ნაბიჯებიც და რაც მნიშვნელოვანია დროულად”, - წერს ეკა ბესელია „ფეისბუქზე“.
