რუსეთის ქალაქ ვორონეჟში დღეს დღის განმავლობაში ძლიერი აფეთქებების ხმა გაისმა. უკრაინული მედიის ინფორმაციით, შეტევის სამიზნე გახდა ნახევარგამტარების ადგილობრივი ქარხანა „სბორკა“.
სოციალურ ქსელებში ვრცელდება ვიდეოები, რომლებზეც ჩანს ქარხნის ტერიტორიიდან ამომავალი კვამლისსვეტი.
გავრცელებული ცნობებით, ვორონეჟზე დარტყმა Storm Shadow-ოს ტიპის ბრიტანული ფრთოსანი რაკეტებით განხორციელდა.
ვორონეჟის ნახევარგამტარების ქარხანა რუსეთის მიკროელექტრონიკის სფეროში ერთ-ერთ მნიშვნელოვან საწარმოდ ითვლება. იგი აწარმოებს და აწყობს კომპონენტების ფართო სპექტრს, რომლებიც გამოიყენება მრეწველობაში, კავშირგაბმულობაში, ენერგეტიკაში, ავიაციაში და სხვა დარგებში.
ვორონეჟის ქარხანა სპეციალიზდება ტრანზისტორების, დიოდების, მიკროსქემებისა და სხვა ელექტრონული კომპონენტების წარმოებაში, რომლებიც გამოიყენება რუსეთის სამხედრო-სამრეწველო კომპლექსში, მათ შორის „ისკანდერის“ და „კალიბრის“ ტიპის რაკეტების მართვის სისტემებში, ასევე რადარებსა და С-400-ის ტიპის საჰაერო თავდაცვის სისტემებში.
