შვეიცარიაში აშშ-სა და ირანს შორის მოლაპარაკებების პირველი რაუნდი დასრულდა. ამ დროისთვის, უცნობია მოლაპარაკებების დეტალები.
რანის სახელმწიფო ტელევიზიის, IRIB-ის ცნობით, პირველი რაუნდის დროს ირანის ბირთვულ პროგრამასთან დაკავშირებით არანაირი მოლაპარაკება არ გამართულა.
ირანული სააგენტო „ტანსიმის“ ინფორმაციით, ირანის დელეგაციამ ამერიკელებთან ერთობლივი ფოტოს გადაღებაზე უარი თქვა.
აშშ-ის დელეგაციას ვიცე-პრეზიდენტი ჯეი დი ვენსი ხელმძღვანელობს. ასევე, აშშ-ის დელეგაციის შემადგენლობაში დონალდ ტრამპის სპეციალური წარმომადგენლები, სტივ უიტკოფი და ჯარედ კუშნერი შედიან.
ირანის დელეგაციას, რომლის შემადგენლობაშიც საგარეო საქმეთა მინისტრი აბას არაღჩი შედის, ქვეყნის პარლამენტის თავმჯდომარე მოჰამედ ბაგერ ღალიბაფი ხელმძღვანელობს.
მხარეებს შორის მოლაპარაკებებში აშშ-ის, ირანის და ორი შუამავალი სახელმწიფოს – კატარისა და პაკისტანის წარმომადგენლები მონაწილეობდნენ.
