პოლონეთში უკრაინის ელჩმა, ვასილ ბონდარმა, უკრაინის საგარეო საქმეთა მინისტრ ანდრი სიბიჰასა და უკრაინის პრეზიდენტის ოფისის ხელმძღვანელ კირილო ბუდანოვის მსგავსად უარი თქვა პოლონეთის რესპუბლიკის სახელმწიფო ჯილდოზე. ინფორმაციას უკრაინული მედია ავრცელებს.
მოკავშირესა და პარტნიორს და გაიხსენა დიდი მხარდაჭერის ტალღა ფართომასშტაბიანი ომის დაწყებისას.
მან ასევე ხაზი გაუსვა, რომ კიევსა და ვარშავას ჰქონდათ და კვლავაც აქვთ ბევრი საერთო ინტერესი, განსაკუთრებით უსაფრთხოების სფეროში.
ბოდნარმა აღნიშნა, რომ თავისი თანამდებობის ფარგლებში მუშაობდა და მუშაობს იმაზე, რომ პოლონეთ-უკრაინის ურთიერთობები განვითარდეს და ყველა საკითხი მოგვარდეს, და დაამატა, რომ ბოლო წელიწადნახევრის განმავლობაში მნიშვნელოვანი პროგრესი იქნა მიღწეული.
„მაგრამ ვერ დავრჩები განზე იმ გადაწყვეტილების მიმართ, რომელსაც ისტორიულად უსამართლოდ მივიჩნევ. პოლონეთში არსებული ემოციების გაგების მიუხედავად, ვერ მივიღებ, რომ უკრაინის პრეზიდენტი ვოლოდიმირ ზელენსკი - პოლონეთის მეგობარი, სახელმწიფოს მეთაური, რომელიც მამაცურად იცავს თავს რუსეთის აგრესიისგან და იცავს მშვიდობას ევროპაში, უმაღლეს პოლონურ ჯილდოს კარგავს.
რუსეთის მიერ უკრაინის წინააღმდეგ ომის პირობებში, რაკეტებისა და დრონების შეტევების ფონზე, ეს გადაწყვეტილება განსაკუთრებით მტკივნეულად და ემოციურად აღიქმება, როგორც ჟესტი მთელი უკრაინელი ხალხის მიმართ. ამ ვითარებაში იძულებული ვარ დავაბრუნო პოლონეთის რესპუბლიკის წინაშე დამსახურების ორდენის კავალერის ჯვარი“, - განაცხადა ვასილი ბოდნარმა.
მან გამოთქვა რწმენა, რომ საბოლოოდ „სიბრძნე ემოციებს სძლევს, ხოლო ურთიერთპატივისცემა - პოლიტიკურ კონიუნქტურას“.
„ჩვენ შეიძლება გვქონდეს განსხვავებული ხედვები, არ ვეთანხმებოდეთ ერთმანეთს, მაგრამ არ უნდა დავკარგოთ ერთმანეთის მოსმენისა და დიალოგის გზით გადაწყვეტილებების ძიების უნარი. გვახსოვდეს, რომ ჩვენს დაპირისპირებაში ყოველთვის იმარჯვებს მტერი - მოსკოვი… დარწმუნებული ვარ, რომ კეთილი ნების არსებობის შემთხვევაში ჩვენ ვიპოვით გონივრულ გადაწყვეტილებებს“, - დაამატა მან.
შეგახსენებთ, გუშინ, ნავროცკიმ განაცხადა, რომ მიიღო გადაწყვეტილება ვოლოდიმირ ზელენსკისთვის „თეთრი არწივის“ ორდენის ჩამორთმევის შესახებ.
ნავროცკის გადაწყვეტილების შემდეგ, უკრაინის საგარეო საქმეთა მინისტრმა ანდრი სიბიჰამ განაცხადა, რომ პოლონეთს უბრუნებს მისთვის მინიჭებულ უმაღლეს სახელმწიფო ჯილდოს მას შემდეგ, რაც კაროლ ნავროცკიმ ვოლოდიმირ ზელენსკისთვის „თეთრი არწივის“ ორდენის ჩამორთმევის გადაწყვეტილება მიიღო.
ამის შემდეგ პოლონეთის სახელმწიფო ჯოლდოზე უარი თქვა უკრაინის პრეზიდენტის ოფისის ხელმძღვანელმა კირილო ბუდანოვმაც.
ცნობისათვის, კაროლ ნავროცკის გადაწყვეტილებას ვოლოდიმირ ზელენსკის მიერ ხელმოწერილი ბრძანებულება უძღოდა წინ, რომლის მიხედვითაც უკრაინის შეიარაღებული ძალების ერთ-ერთ სამხედრო ქვედანაყოფს „უკრაინის ამბოხებულთა არმიის“ გმირების სახელი მიენიჭა. პოლონური მხარისთვის აღნიშნული ორგანიზაცია, მეორე მსოფლიო ომის დროს ვოლინის ტრაგედიასთან ასოცირდება. ზელენსკის „თეთრი არწივის“ ორდენი 2023 წლის აპრილში პოლონეთის იმდროინდელმა პრეზიდენტმა, ანჯეი დუდამ, ორ ქვეყანას შორის ურთიერთობების გაღრმავებისა და ადამიანის უფლებების დაცვისთვის გადასცა.
