"დემოკრატიული მოძრაობა - ერთიანი საქართველოს" ლიდერი ნინო ბურჯანაძე მიიჩნევს, რომ კოსოვოს აღიარებით საქართველოს ხელისუფლებამ რუსეთს აფხაზეთისა და ე.წ. სამხრეთ ოსეთის დამოუკიდებლობის აღიარებისთვის ხელ-ფეხი გაუხსნა.
"ვფიქრობ, რომ თავის დროზე ჩვენმა ხელისუფლებამ დიდი შეცდომა დაუშვა, როცა მკვეთრი განცხადება გააკეთა კოსოვოს აღიარებასთან დაკავშირებით. დიახ, ეს იყო გენოციდი, ეს იყო დანაშაული, ამ სახის დანაშაულის პატიება კი არ შეიძლება. მეორე მხრივ, კოსოვოს აღიარებამ რუსეთს ხელ-ფეხი გაიხსნა, რის გამოც მან აფხაზეთისა და ე.წ. სამხრეთ ოსეთის დამოუკიდებლობა აღიარა. ამიტომ, რთულია საუბარი იმ შედეგებზე, რაც კოსოვოს აღიარებას მოჰყვა," _ აღნიშნა "კორესპონდენტ.ნეტ"-ისთვის ინტერვიუში ნინო ბურჯანაძემ.
მისივე თქმით, სწორედ სააკაშვილის გამო დავკარგეთ აფხაზეთი და ე.წ. სამხრეთ ოსეთი.
"სწორედ საქართველოს ხელისუფლების გამოა, რომ რუსეთის სამხედრო ბაზები ჩვენი ქვეყნის ტერიტორიაზეა. ამის გამო დგანან ტანკები ჩვენს საზღვრებზე. ამაში ნინო ბურჯანაძე დამნაშავე არაა,"_განმარტავს ბურჯანაძე.
ამასთან, "დემოკრატიული საქართველოს" ლიდერი დარწმუნებულია, რომ რუსეთთან ურთიერთობის ნორმალიზების გარეშე ამ პრობლემას ვერ მოვაგვარებთ.