აშშ-ის პრეზიდენტი დონალდ ტრამპი აცხადებს, რომ ვლადიმერ პუტინთან და ვოლოდიმირ ზელენსკისთან „კარგი მოლაპარაკებები“ გამართა. თეთრი სახლის ლიდერის თქმით, ის ომში მყოფი ქვეყნების ლიდერებს საფრანგეთის კურორტ ევიანში, „დიდი შვიდეულის“ სამიტის ფარგლებში ელაპარაკა.
G7-ის სამიტის ფარგლებში ჟურნალისტებთან საუბრისას აშშ-ის პრეზიდენტმა არ ისურვა პასუხის გაცემა კითხვაზე, მიიჩნევს თუ არა რუსეთის პრეზიდენტს, ვლადიმირ პუტინს, უკრაინაში მიმდინარე ომზე მეტად პასუხისმგებელ მხარედ.
„ამაზე კომენტარის გაკეთება არ მსურს, რადგან ვცდილობ, ეს კონფლიქტი დასრულდეს, და მსგავსი განცხადებები საქმეს არ ამარტივებს“, - განაცხადა ტრამპმა.
მისივე თქმით, უკრაინის სურვილი, ევროპაში ამერიკული რაკეტების წარმოება დაიწყოს, განხილვის საგანი იქნება.
„მათ ამის გაკეთება სურთ. ჩვენ ამ საკითხს განვიხილავთ“, - აღნიშნა აშშ-ის პრეზიდენტმა.
