“დიდი შვიდეულის” ქვეყნები უკრაინაში შორი მანძილის რაკეტების წარმოებას დაიწყებენ.
ევიანში გამართული სამიტის შემდგომ გამოქვეყნებულ ერთობლივ განცხადებაში “დიდი შვიდეულის” ქვეყნებმა მზაობა გამოთქვეს უკრაინას, უშუალოდ უკრაინულ ტერიტორიაზე, რაკეტების წარმოებისთვის ლიცენზია მისცენ.
ფრანგული გამოცემა Le Parisien-ის ცნობით, G7-ის ლიდერებმა განაცხადეს, რომ მზად არიან უკრაინას ლიცენზიები გადასცენ, რათა ქვეყანამ უშუალოდ აწარმოოს საჰაერო თავდაცვის სისტემებისთვის განკუთვნილი რაკეტები. წყაროს ინფორმაციით, ეს გადაწყვეტილება მხოლოდ თავდაცვით სისტემებს არ ეხება - საუბარია შორი მოქმედების დარტყმითი იარაღის წარმოების შესაძლებლობაზეც.
„ლიცენზიით ვაწარმოებთ არა მხოლოდ საჰაერო თავდაცვის სისტემებს, არამედ ღრმა დარტყმებისთვის განკუთვნილ საშუალებებსაც“, - განაცხადა წყარომ G7-ის სამიტის ფარგლებში.
გერმანიის კანცლერმა, ფრიდრიხ მერცმა, აღნიშნა, რომ ამერიკულ კომპანიებს შეეძლებათ ევროპელ მწარმოებლებს უკრაინაში იარაღის წარმოების ლიცენზიები გადასცენ.
მისი თქმით, დასავლეთი ამჟამად საკმარისი რაოდენობის შეიარაღებას ვერ აწარმოებს, ამიტომ გამოსავალია, რომ შესაბამისი ტექნოლოგიები და ლიცენზიები იმ კომპანიებს გადაეცეთ, რომლებსაც უკვე აქვთ საჭირო საწარმოო შესაძლებლობები, მათ შორის უკრაინულ კომპანიებსაც.
