კანადის პრემიერ-მინისტრმა მარკ კარნიმ რუსეთის წინააღმდეგ ახალი სანქციების დაწესება დააანონსა, რომლებიც რუსეთის „ჩრდილოვან ფლოტს“, ენერგეტიკულ შემოსავლებს, თავდაცვით მრეწველობასა და დეზინფორმაციის ქსელებს შეეხება.
ამის შესახებ კანადის პრემიერ-მინისტრის ოფიციალურ ვებგვერდზე გამოქვეყნებულ განცხადებაშია ნათქვამი.
ახალი სანქციების პაკეტის შესახებ კარნიმ უკრაინის პრეზიდენტ ვოლოდიმირ ზელენსკისთან შეხვედრის დროს, "დიდი შვიდეულის" სამიტის ფარგლებში განაცხადა.
კანადის პრემიერ-მინისტრის ინფორმაციით, სანქციები შეეხება 162 ფიზიკურ და იურიდიულ პირს, ასევე „ჩრდილოვანი ფლოტის“ გემებს, რომლებიც რუსეთის სამხედრო მანქანის მხარდაჭერაში არიან ჩართული.
კარნიმ ასევე აღნიშნა, რომ 2026 წელს კანადამ უკვე დააწესა სანქციები 3400-ზე მეტ ფიზიკურ და იურიდიულ პირზე, ასევე 600-ზე მეტ გემზე, რათა რუსეთი უკრაინის წინააღმდეგ განხორციელებული აგრესიისთვის პასუხისმგებლობაში მიეცეს.
