რუსეთის ხელისუფლების განცხადებით, 16 ივნისის დილას მოსკოვის მიმართულებით დრონებით შეტევა განხორციელდა, რა დროსაც, ოფიციალური მონაცემებით, ბოლო ორი საათის განმავლობაში 37 უპილოტო საფრენი აპარატი ჩამოაგდეს.
ინფორმაციას მოსკოვის მერი სერრგეი სობიანინი ავრცელებს.
მისივე განცხადებით, „ნამსხვრევების ჩამოვარდნის ადგილებზე მუშაობენ საგანგებო სამსახურების სპეციალისტები“.
ამასთან, რუსული მხარე ტრადიციულად არ ასაჯაროებს რამდენი დრონი ვერ გაანეიტრალეს.
Telegram-არხ Astra-ის ცნობით, ადგილობრივი მაცხოვრებლები აფიქსირებდნენ საჰაერო თავდაცვის მუშაობას მოსკოვის ოლქის რამდენიმე ქალაქში, მათ შორის პავლოვსკი პოსადში, რამენსკში და ჟუკოვსკში.
რუსული უწყების "როსავიაციის" განცახდებით, დროებითი შეზღუდვები დაწესდა მოსკოვის მთავარ აეროპორტებში: დომოდედოვოში, შერემეტიევოში, ვნუკოვოსა და ჟუკოვსკში (რამენსკოე).
შეზღუდვების მიზეზად სახელდება საჰაერო უსაფრთხოების უზრუნველყოფა და უპილოტო საფრენი აპარატების საფრთხე.
რუსეთის თავდაცვის სამინისტროს განცხადებით, ბოლო ღამით დრონები ჩამოაგდეს როგორც რუსეთის რეგიონებში, ისე ოკუპირებულ ტერიტორიებზე.
