უკრაინული დრონების საჰაერო თავდასხმის მოგერიებისას ჩამოგდებული უპილოტო აპარატების ნამსხვრევები ნოვომოსკოვსკში, ტულის ოლქში მდებარე ერთ-ერთი სამრეწველო საწარმოს ტერიტორიაზე ჩამოვარდა. ამის შესახებ ტულის ოლქის გუბერნატორმა დმიტრი მილიაევმა განაცხადა.
„საგანგებო სამსახურები უკვე მუშაობენ შემთხვევის ადგილზე, ზიანის ხასიათი ზუსტდება. ოპერატიული შტაბი ამოქმედდა. ოლქში კვლავ შენარჩუნებულია უპილოტო საფრენი აპარატების თავდასხმის საფრთხე“, - დაწერა მილიაევმა სოციალურ ქსელში.
ამასთამ, მონიტორინგის არხების ინფორმაციით, დრონების სამიზნე სწორედ ქიმიური საწარმო იყო.
აფეთქებების შესახებ ცნობები გავრცელდა სმოლენსკის ოლქიდანაც. არსებული ინფორმაციით, სავარაუდო სამიზნე ქალაქ ვიაზმაში მდებარე სარკინიგზო ინფრასტრუქტურა იყო.
ამასთან, ქალაქ ორიოლში მრავალსართულიან საცხოვრებელ სახლს ცეცხლი გაუჩნდა.
პარალელურად, მოსკოვის მერმა სერგეი სობიანინმა განაცხადა, რომ დედაქალაქთან მიახლოებისას ოთხი დრონი ჩამოაგდეს. მისი თქმით, დრონების ფრაგმენტების ჩამოვარდნის ადგილებზე საგანგებო სამსახურების წარმომადგენლები მუშაობენ.
