აშშ-ის სახელმწიფო მდივანმა, მარკო რუბიომ, რუს ხალხს რუსეთის დღე მიულოცა.
მან რუსეთის დღის აღნიშვნასთან დაკავშირებით რუს ხალხს მიმართა და მშვიდობიანი და წარმატებული მომავალი უსურვა.
აშშ-ის სახელმწიფო დეპარტამენტის მიერ გავრცელებულ განცხადებაში ნათქვამია, რომ ვაშინგტონი კვლავ ერთგულია რუსეთ-უკრაინის ომის მშვიდობიანი გზით დასრულების მიმართ.
„შეერთებული შტატები კვლავ ერთგულია რუსეთსა და უკრაინას შორის ომის მშვიდობიანი დასრულებისადმი. ჩვენ იმედს ვიტოვებთ, რომ მდგრადი მშვიდობა გზას გაუხსნის რუსი ხალხისთვის უფრო წარმატებულ მომავალს და უფრო კონსტრუქციულ ურთიერთობებს ჩვენს ორ ქვეყანას შორის“, –-აღნიშნულია განცხადებაში.
რუბიომ რუსეთის მოსახლეობას რუსეთის დღე გასულ წელსაც მიულოცა.
მაშინ უკრაინის საგარეო საქმეთა მინისტრმა, აბდრი სიბიჰამ განაცხადა, რომ რუსეთის დღისადმი მიძღვნილი მილოცვების წაკითხვა ზოგიერთი ქვეყნის მხრიდან მისთვის „უსიამოვნო“ იყო.
