აშშ-ის ცენტრალური სარდლობის (CENTCOM) განცხადებით, ამერიკულმა ძალებმა ირანის წინააღმდეგ საპასუხო დარტყმების განხორციელება დაიწყეს მას შემდეგ, რაც, ირანმა ჰორმუზის სრუტეში აშშ-ის არმიის Apache-ის ტიპის ვერტმფრენი ჩამოაგდო.
CENTCOM-ის ცნობით, ოპერაცია „თავდაცვის მიზნით“ უმაღლესი მთავარსარდლის ბრძანებით დაიწყო.
„ეს არის პროპორციული პასუხი ირანის მხრიდან არაპროვოცირებულ აგრესიაზე“, - აღნიშნულია სარდლობის განცხადებაში.
მანამდე აშშ-ის პრეზიდენტმა დონალდ ტრამპმა განაცხადა, რომ ირანმა ჰორმუზის სრუტეში საპატრულო მისიის დროს ამერიკული ვერტმფრენი ჩამოაგდო, ტრამპის თქმით, და აშშ თავდასხმას პასუხს გასცემდა. მისივე თქმით, ვერტმფრენის ორივე პილოტი გადარჩა და არ დაშავებულა.
