რომის პაპმა, ლეო XIV-მ ესპანეთის პარლამენტში სიტყვით გამოსვლისას განაცხადა, რომ კონფლიქტების ესკალაციამ, პოლარიზაციის გაღრმავებამ და ადამიანის უფლებებისადმი უპატივცემულობამ მსოფლიო „ღრმა სულიერ და კულტურულ კრიზისამდე“ მიიყვანა.
„აღნიშნული კონტექსტიდან გამომდინარე, მშვიდობა არა მხოლოდ პოლიტიკური მისწრაფებაა, არამედ ნამდვილი მორალური აუცილებლობა“, - განაცხადა რომის პაპმა.
მისი თქმით, სამყაროში მშვიდობის მიღწევა დიპლომატიურ გამბედაობას მოითხოვს, ხოლო პრობლემები საერთაშორისო სამართლის გამოყენებით უნდა გადაიჭრას და არა იარაღით.
ლეო XIV 6-12 ივნისს ოფიციალური ვიზიტით ესპანეთში იმყოფება. გავრცელებული ინფორმაციით, ვიზიტის ფარგლებში, მადრიდში, ღია ცის ქვეშ ჩატარებულ წირვას მილიონზე მეტი ადამიანი დაესწრო.
ასევე, გავრცელებული ინფორმაციით, ლეო XIV 25-28 სექტემბერს სახელმწიფო ვიზიტით საფრანგეთს ეწვევა. ეს იქნება რომის პაპის პირველი ოფიციალური ვიზიტი საფრანგეთში თითქმის ორი ათწლეულის განმავლობაში.
