ვულოცავ სომხეთს დემოკრატიული და თავისუფალი არჩევნების ჩატარებას, ხოლო ნიკოლ ფაშინიანს - გამარჯვებას, - ამის შესახებ უკრაინის პრეზიდენტი ვოლოდიმირ ზელენსკი X-ზე წერს.
„ვულოცავ სომხეთს დემოკრატიული და თავისუფალი არჩევნების ჩატარებას, ხოლო ნიკოლ ფაშინიანს - გამარჯვებას. ეს ასევე არის სომხეთის სუვერენიტეტის, თქვენი დამოუკიდებლობისა და თქვენი უფლების გამარჯვება, იცხოვროთ ისე, როგორც თავად ირჩევთ. წარმატებას გისურვებთ.
უკრაინა მზად არის გააფართოოს ჩვენ შორის თანამშრომლობა და სწორედ ახლაა დრო, რომ ევროკავშირმა სომხეთს რეალური მხარდაჭერა გაუწიოს და ყველაფერი გააკეთოს იმისათვის, რომ ადამიანებმა იგრძნონ, როგორ უმჯობესდება მათი ცხოვრება ევროპასთან ურთიერთობის წყალობით. ეს ევროკავშირისთვისაც ერთგვარი ტესტია. მნიშვნელოვანია, არ დაიკარგოს დრო და არ იქნეს ხელიდან გაშვებული შესაძლებლობები,“ - წერს ზელენსკი.
