6 ივნისის ღამეს რუსეთის რეგიონებზე და უკრაინის დროებით ოკუპირებულ ტერიტორიებზე დრონებით იერიში განხორციელდა. შედეგად, ნავთობბაზებზე ხანძრები გაჩნდა, ასევე დაფიქსირდა საპორტო ინფრასტრუქტურის დაზიანება მარიუპოლსა და კრონშტადტში.
ამის შესახებ იუწყება რუსეთის დამოუკიდებელი გამოცემა ASTRA და ტელეგრამ-არხები იუწყებიან.
რუსეთის კრასნოდარის მხარის ქალაქ უსტ-ლაბინსკში დაახლოებით დილის ოთხ საათზე აფეთქებების სერია მოხდა. დრონებმა ადგილობრივ ნავთობბაზას დაარტყეს, რის შედეგადაც მასშტაბური ხანძარი გაჩნდა. ქალაქის თავზე კი სქელი შავი კვამლი ავარდა.
პარალელურად დარტყმის ქვეშ მოექცა საზღვაო პორტი უკრაინის დროებით ოკუპირებულ მარიუპოლში. პორტის ტერიტორიაზე აფეთქებები მოხდა, რის შემდეგაც ტერიტორია სქელმა კვამლმა დაფარა. ასევე ხანძარი გაჩნდა დონეცკის ოლქის დროებით ოკუპირებულ ქალაქ ზუგრესში მდებარე ნავთობბაზაზე.
გარდა ამისა, დრონებმა დაარტყეს ბალტიის ზღვაში მდებარე კრონშტადტის პორტს, სადაც აფეთქებების შემდეგ რამდენიმე კერაზე გაჩნდა ხანძარი. სანქტ-პეტერბურგსა და ლენინგრადის ოლქში დრონების საფრთხის გამო საჰაერო განგაში გამოცხადდა.
ღამით აფეთქებები ასევე დაფიქსირდა რუსეთის ტულის ოლქის ქალაქ უზლოვოში. დარტყმის ადგილას ძლიერი ხანძარი გაჩნდა.
