მედიის ცნობით, პსჟ-ის ჩემპიონთა ლიგის მოგების აღნიშვნისას საფრანგეთში თითქმის 800 ადამიანი დააკავეს.
საფრანგეთის შინაგან საქმეთა მინისტრის, ლორან ნიუნიესის განცხადებით, ჩემპიონთა ლიგის ფინალში "პარი სენ-ჟერმენის"გამარჯვების შემდეგ ქვეყანაში მომხდარი არეულობების დროს 780 ადამიანი დააკავეს.
მისი თქმით, 480 პარიზში დაკავეს. ამ დროისათვის საფრანგეთის დედაქალაქში 277 პირი კვლავ პატიმრობაში რჩება, მათ შორის 82 არასრულწლოვანია.
შინაგან საქმეთა მინისტრმა აღნიშნა, რომ მიუხედავად მრავალრიცხოვანი ინციდენტებისა, ვითარება მთლიანობაში „კონტროლს დაექვემდებარა“.
არეულობების შედეგად 219 ადამიანი დაშავდა, მათ შორს რვა დასავებულის მდგომარეობა მძიმეა. ერთ შემთხვევაში 17 წლის მოზარდმა მძიმე დანით მიყენებული ჭრილობები მიიღო.
დაშავებულთა შორის 57 პოლიციელი და ჟანდარმერიის თანამშრომელია.
არეულობები 30 მაისის საღამოს დაიწყო, მას შემდეგ რაც პსჟ-მ ჩემპიონთა ლიგის ფინალში გაიმარჯვა. პარიზსა და სხვა ქალაქებში დაფიქსირდა ვანდალიზმის, ძარცვისა და სამართალდამცველებთან შეტაკებების შემთხვევები.
