აშშ-ის პრეზიდენტმა დონალდ ტრამპმა ირანს განსახილველად ახალი, უფრო მკაცრი შეთანხმების ჩარჩო გაუგზავნა, რაც შესაძლოა ახლო აღმოსავლეთში ომის ფორმალური დასრულებისა და ჰორმუზის სრუტის საზღვაო მარშრუტის გახსნის შესახებ შეთანხმების პროცესს კიდევ უფრო შეაფერხებს.
მედიის ცნობით, წინადადების შესაძლო ცვლილებები მოლაპარაკებების დასრულების ვადებს გაახანგრძლივებს, მიუხედავად კვირების განმავლობაში მიმდინარე მცდელობებისა შეთანხმების მიღწევის მიმართულებით, რომელიც პერიოდულად ირღვეოდა დაძაბული რიტორიკითა და შეიარაღებული ესკალაციებით.
ტრამპმა განაცხადა, რომ ნებისმიერი შეთანხმების მთავარი პირობაა ირანის მიერ ბირთვული იარაღის განვითარების შეჩერება და ჰორმუზის სრუტის გახსნა, რომელიც გარკვეული პერიოდის განმავლობაში ნაწილობრივ ბლოკირებული იყო.
„ერთადერთი გარანტია, რაც უნდა მქონდეს, არის ის, რომ ბირთვული იარაღი არ იქნება. ისინი ამაზე დათანხმდნენ და ეს ძალიან საინტერესო იყო“, - განაცხადა ტრამპმა.
დონალდ ტრამპმა, Fox News-ის ინტერვიუში შესაძლო სამხედრო სცენარზეც მიანიშნა.
„მე არ მეჩქარება. ნელ-ნელა მივდივართ იმ შედეგისკენ, რაც გვინდა, და თუ ვერ მივიღებთ იმას, რაც გვინდა, სხვაგვარად დავასრულებთ“, - განაცხადა მან.
