რუმინეთის პრეზიდენტი ნიკუშორ დანმა განაცხადა, რომ გამომძიებლებმა დაადგინეს, რამდენო კილოგრამო ასაფეთქებელი ნივთიერება გადაჰქონდა რუსული დრონი, რომელიც ქალაქ გალატში მრავალსართულიან საცხოვრებელ სახლს შეეჯახა.
მისი თქმით, გამოძიების წინასწარი შეფასებით, დრონს სულ მცირე 30 კილოგრამი ასაფეთქებელი ნივთიერება ჰქონდა.
„მე პოლიციასთან და კრიმინალური გამოძიების დეპარტამენტთან ერთად ვიყავი. ახლა მიმდინარეობს გამოძიება და შემთხვევის ადგილიდან აღებული ნიმუშების ანალიზი. მათი შეფასებით, იქ სულ მცირე 30 კილოგრამი ჩვეულებრივი ასაფეთქებელი იყო“, - განაცხადა დანმა.
რუმინეთის პრეზიდენტმა ასევე აღნიშნა, რომ დრონების თვითმფრინავებით ჩაჭრა ყველაზე ეფექტიანი მეთოდი არ არის და ქვეყანა უფრო თანამედროვე სახმელეთო სისტემების განვითარებაზე მუშაობს.
„თვითმფრინავების გამოყენება ყველაზე ნაკლებად ოპტიმალური მეთოდია. ჩვენ მნიშვნელოვან პროგრესს მივაღწიეთ მათი აღმოჩენის მიმართულებით და გარკვეულ პროგრესსაც სახმელეთო სისტემების შექმნაში, რომლებსაც მათი განეიტრალება შეუძლიათ. ეს პროცესია“, - დასძინა მან.
დღესვე რუმინეთის პრეზიდენტმა კონსტანცაში რუსეთის გენერალური საკონსულოს დახურვისა და კონსულის გაძევების გადაწყვეტილების შესახებ განაცხადა,რის შემდეგაც რუსეთის საგარეო საქმეთა სამინისტროს ოფიციალურო წარმომადგენელო მარია ზახაროვამ~ საპასუხო „ზომებით“ დაიმუქრა.
ასევე ნიკუშორ დანის თქმით, დრონს, რომელიც საცხოვრებელ კორპუსს შეეჯახა, უკრაინის საჰაერო თავდაცვამ მოარტყა, რის შემდეგაც ტრაექტორია შეიცვალა, ინციდენტზე პასუხისმგებლობა კი რუსეთს ეკისრება.
