ისლანდიის პარლამენტმა ევროკავშირში გაწევრიანების მოლაპარაკებების დაწყებასთან დაკავშირებით რეფერენდუმის აგვისტოში ჩატარებას მხარი დაუჭირა. იუწყება Reuters.
გადაწყვეტილება მთავრობის ორსაფეხურიანი გეგმის ნაწილია, რომელმაც შესაძლოა ქვეყანა მიმდინარე ათწლეულის ბოლოსთვის ევროკავშირში გააწევრიანოს.
რეიკიავიკმა ევროკავშირთან გაწევრიანების მოლაპარაკებები 2013 წელს, ოთხწლიანი პროცესის შემდეგ, შეწყვიტა, მას შემდეგ რაც ხელისუფლებაში ევროსკეპტიკურად განწყობილი მთავრობა მოვიდა. თუმცა, საზოგადოებრივი აზრის გამოკითხვების თანახმად, ცხოვრების გაძვირებამ და უკრაინაში ომმა ევროკავშირში გაწევრიანების მიმართ ინტერესი კვლავ გაზარდა.
მთავრობის განცხადებით, თუ ამომრჩევლები მხარს დაუჭერენ მოლაპარაკებების განახლებას, ევროკავშირში გაწევრიანების საბოლოო პირობებს უკვე მეორე რეფერენდუმი დაამტკიცებს, ხოლო უარის შემთხვევაში მოლაპარაკებების განახლების მცდელობები შეწყდება.
