პუტინის რეჟიმმა რუსეთის საოკუპაციო არმიის კონტინგენტის გაზრდის დავალება გასცა, რაც მიუთითებს, რომ მოსკოვი რეალური სამშვიდობო მოლაპარაკებებისთვის არ ემზადება. ამის შესახებ ვოლოდიმირ ზელენსკიმ თავდაცვის საკითხებზე გამართული თათბირის შემდეგ სოციალურ ქსელში განაცხადა.
„ვიღებთ სულ უფრო მეტ შიდა რუსულ ინფორმაციას აგრესორი ქვეყნის მიერ დამატებითი მობილიზაციისთვის მზადების შესახებ. უპირველესად, მიზანია უკრაინის ოკუპირებულ ტერიტორიაზე რუსული არმიის განსაკუთრებით მაღალი დანაკარგების კომპენსირება. რუსეთის პოლიტიკურმა ხელმძღვანელობამ საოკუპაციო კონტინგენტის გაზრდის დავალება გასცა. საუბარია სილ მცირე რამდენიმე ათეულ ათას ადამიანზე. ამ მიზნით რუსულმა ხელისუფლებამ ე.წ. მობილიზაციის განკარგულებების გაცემა გაააქტიურა“, - განაცხადა ზელენსკიმ.
მისივე თქმით, უკრაინა ამ მონაცემებს პარტნიორებს გადასცემს.
„რუსეთმა თავისი ომი უნდა დაასრულოს, და მსოფლიოს ამისთვის ბერკეტები აქვს. ყველა დონეზე ვმუშაობთ, რათა უკრაინა დავიცვათ და რუსეთი დიპლომატიისკენ ვუბიძგოთ“,- დაამატა უკრაინის პრეზიდენტმა.
