უნგრეთის მთავრობაში განაცხადეს, რომ პრემიერ-მინისტრ პეტერ მადიარისა და ვოლოდიმირ ზელენსკის შორის შეხვედრა შესაძლებელია იმ შემთხვევაში, თუ უკრაინა უნგრული მხარის მოთხოვნებს შეასრულებს, მათ შორის უკრაინაში უნგრული უმცირესობის საკითხის დარეგულირებასთან დაკავშირებით.
ამის შესახებ Euronews უნგრეთის მთავრობის წარმომადგენლებზე დაყრდნობით წერს.
მთავრობის სპიკერების განცხადებით, „პეტერ მადიარისა და ვოლოდიმირ ზელენსკის პირადი შეხვედრა შესაძლებელი იქნება, თუ უკრაინა უკრაინაში უნგრული უმცირესობის საკითხთან დაკავშირებით უნგრული მხარის მოთხოვნებს დააკმაყოფილებს“.
მათივე თქმით, ამ საკითხზე ტექნიკური მოლაპარაკებები კვლავ მიმდინარეობს და უმაღლეს დონეზე შეხვედრის შესაძლებლობა მაშინ გაჩნდება, თუ ამ მოლაპარაკებებში პროგრესი იქნება მიღწეული.
