დღეისათვის, რუსეთს არ აქვს შესაძლებლობა, ნატო-ს წინააღმდეგ ფართომასშტაბიანი შეტევა განახორციელოს, თუმცა შეუძლია დივერსიული მოქმედებები ან პროვოკაციები მოაწყოს, რისთვისაც ალიანსი მზად უნდა იყოს.
ამის შესახებ პოლონეთის საგარეო საქმეთა მინისტრმა, რადოსლავ სიკორსკი განაცხადა.
სიკორსკიმ აღნიშნა, რომ რუსეთი პოლონეთისთვის საფრთხეს წარმოადგენს და ამას სერიოზულად უნდა მოეკიდონ.
„დღეს რუსეთს არ შეუძლია ნატო-ს წინააღმდეგ ფართომასშტაბიანი შეტევის განხორციელება, თუ ამისთვის ემზადებოდნენ, ჩვენ ამას დავინახავდი. ჩვენ სატელიტური დაზვერვა გვაქვს. ჩვენ ვხედავდით უკრაინის საზღვრებთან ასი ათასი ჯარისკაცის კონცენტრაციას, რომელიც თვეების განმავლობაში იზრდებოდა“,- განაცხადა სიკორსკიმ.
თუმცა, მან ხაზგასმით აღნიშნა, რომ ვლადიმირ პუტინის განზრახვები უფრო სერიოზულია, ვიდრე ამას დასავლეთ ევროპაში ელოდნენ, ამიტომ ამას არავინ შეაფასებს არასათანადოდ.
„რუსეთს შეუძლია დივერსიული მოქმედებების ან ისეთი პროვოკაციების განხორციელება, რომლებიც რეალური შეჭრის დონეს არ აღწევს. ნატო მსგავსი ქმედებებისთვისაც მზად უნდა იყოს“, - აღნიშნა სიკორსკიმ.
.
