აშშ-ის პრეზიდენტმა დონალდ ტრამპმა განაცხადა, რომ ირანის გამდიდრებული ურანი უნდა განადგურდეს ან დაუყოვნებლივ გადაეცეს აშშ-ს.
„გამდიდრებული ურანი (ბირთვული მტვერი!) ან დაუყოვნებლივ უნდა გადაეცეს შეერთებულ შტატებს, რათა აშშ-ში გადაიტანონ და გაანადგურონ, ან, რაც უკეთესი იქნება - ირანის ისლამურ რესპუბლიკასთან თანამშრომლობითა და კოორდინაციით ადგილზე, ან სხვა მისაღებ ლოკაციაზე განადგურდეს“, - წერს ტრამპი Truth Social-ში.
ტრამპმა ასევე აღნიშნა, რომ ამ პროცესს ზედამხედველობა უნდა გაუწიოს ატომური ენერგიის საერთაშორისო სააგენტომ ან „მისმა ანალოგმა“.
