სერბეთის პრეზიდენტი ალექსანდარ ვუჩიჩი აცხადებს, რომ შესაძლოა, გადადგეს.
ამასთან, ვუჩიჩმა სერბეთში მიმდინარე მასშტაბურ საპროტესტო აქციებზეც ისაუბრა და მას „შინაარსს მოკლებული“ უწოდა.
მისი შეფასებით, აქციები მოკლებულია გააზრებულ შინაარსს, ცარიელია და არც განსაკუთრებით მრავალრიცხოვანი. ამასთან, მან აქციის ორგანიზატორები მომხდარ ინციდენტებში დაადანაშაულა.
ცნობისთვის, სერბეთში საპროტესტო აქციები 2024 წელს რკინიგზის სადგურის სახურავის ჩამონგრევის შემდეგ დაიწყო, რასაც 16 ადამიანის სიცოცხლე შეეწირა. სტუდენტური აქციები მასობრივ ანტისამთავრობო მოძრაობაში გადაიზარდა. ოპოზიცია და აქტივისტები ხელისუფლებას კორუფციასა და არაკომპეტენტურობაში ადანაშაულებენ.
სერბეთის დედაქალაქ ბელგრადის ცენტრში შაბათს პოლიციასა და ათიათასობით დემონსტრანტს შორის შეტაკებები მოხდა. აქციის მონაწილეები ვადამდელი არჩევნების ჩატარებასა და პრეზიდენტ ალექსანდარ ვუჩიჩის გადადგომას მოითხოვდნენ.
